Ես ուրախ չեմ որևէ մեկին ձերբակալելու համար, և, բնականաբար, մենք ուրախ չենք որևէ մեկին բանտում փակելու համար, բայց արդարությունը կատարվել է: Այսօր մենք ձերբակալեցինք նախագահ Սաակաշվիլիին, ով ամենամեծ ցավը պատճառեց մեր ժողովրդին, – այս մասին նախընտրական քարոզարշավի փակման արարողության ժամանակ, հայտարարել է Վրաստանի վարչապետ Իրակլի Ղարիբաշվիլին:

Իրակլի Ղարիբաշվիլիի խոսքով ՝ 300 հազար մարդու դատել են, հազարավոր մարդկանց զրկել են սեփականությունից, տներից ու բիզնեսից:

«Հարյուրավոր մարդիկ գնդակահարվեցին ուղիղ փողոցներում: Սրան գումարվեց բնականաբար այն անմարդկային վերաբերմունքը, խոշտանգումները, տառապանքները, որը մեր երկրում կյանքն անտանելի էր դարձրել: Այդպիսի մարդուն ու այս ամենի ստեղծող պարոն Սաակաշվիլիին այսօր ձերբակալեցին ու տարան բանտ: Մենք դա նրան խոստացանք: Մենք խոստացանք, որ եթե նա համարձակվի ոտք դնել մեր տարածք, անշուշտ կձերբակալվեր:

Ցանկանում եմ շնորհակալություն հայտնել պարոն Վախտանգ Գոմելաուրիին, պարոն Գրիգոլ Լիլուաշվիլիին և բոլոր այն մարդկանց, ովքեր, ես կասեի, ներգրավված էին այս գաղտնի գործողության մեջ հենց սկզբից: Մանրամասները այս փուլում չեն կարող բացահայտվել, իրավապահները մանրամասն տեղեկատվություն կտրամադրեն մեր բնակչությանը, բայց եթե այլկերպ ասենք, մենք իսկապես անցանք կամրջի եզրով», – ասել է Իրակլի Ղարիբաշվիլին: