Ռաճայի շրջանում աղետի պատճառով ավելի քան 2000 մարդ կտրվել է արտաքին աշխարհից

13:22, 29.07.2020

Ռաճայի շրջանի Օնիի մունիցիպալիտետում աղետի պատճառով ավելի քան 2000 մարդ կտրվել է արտաքին աշխարհից: Այդ թվում, 1500 տեղի բնակիչ և ավելի քան 500 հանգստի մեկնած հյուր:

Օնիի քաղաքապետարանի ներկայացուցիչ Լևան Շերազադաշվիլու փոխանցմամբ, նրանց վտանգ չի սպառնում:

Արտաքին աշխարհից կտրված քաղաքացիների հետ այս պահին հնարավոր է կապ հաստատել միայն հեռախոսի միջոցով:

Աղետի գոտում սպասում են սահմանային վարչության ուղղաթիռին: Անհրաժեշտության դեպքում այդ ուղղաթիռով գյուղերին կփոխանցվեն դեղամիջոցներ և առաջնային օգտագործման պարագաներ:

Ռաճա-Լեչխումիի և Քվեմո Սվանեթիի նահանգապետ Արչիլ Ջափարիձեի փոխանցմամբ, Ռաճայում արտաքին աշխարհից կտրվել է 12 գյուղ: Վնասվել է 10 կամուրջ, վնասվել է կենտրոնական մայրուղու երեք հատված:

Աղետը վնասել է Օնիի մունիցիպալիտետի գյուղերը: Գետերի վարարման հետևանքով վնասվել են ճանապարհները և բնակելի տները:

Գիորգի Գախարիայի հանձնարարությամբ, աղետի գոտի են մեկնել համապատասխան գերատեսչությունների ներկայացուցիչները:

Հեղինակ - Anna Badalian

Հասարակական

Շրջաններ

աղետ Ռաճայում