Վրաստանի վարչապետ Գիորգի Գախարիայի հանձնարարությամբ, Ռաճայում աղետի վայր են մեկնել շրջանային զարգացման հարցերով վարչապետի խորհրդական Սոզա Սուբարին, շրջանային զարգացման և ենթակառուցվածքի նախարարի տեղակալներ Իրակլի Քարսելաձեն և Իլիա Բեգիաշվիլին, Միացյալ ջրամատակարարման ընկերության տնօրեն Գիգա Մանդարիան և ներքին գործերի նախարարության արտակարգ իրավիճակների կառավարման ծառայության ղեկավար Թեմուր Մղեբրիշվիլին, մեծամասնական պատգամավոր Գոչա Էնուքիձեի հետ միասին:

Կառավարության ղեկավարի հանձնարարությամբ, նրանք տեղում կծանոթանան աղետի հետևանքով ստեղծված իրավիճակին և առաջացած վնասին, որպեսզի առավելագույնս սեղմ ժամկետներում կայացվեն համապատասխան որոշումներ բնակչությանն օգնելու համար:

«Ուժգին անձրևի հետևանքով, Օնիի մունիցիպալիտետում մի քանի գյուղ կտրվել է արտաքին աշխարհից: Վարարած Ռիոնի գետը տարել է կամուրջները, վնասված է նաև ավտոճանապարհը: Մի քանի վայրերում մնացած բնակչությանը դուրս բերելու համար ընթանում են համապատասխան աշխատանքներ»,- նշված է վարչապետի մամլո ծառայության տեղեկության մեջ: