«Ազգային շարժման» անդամ Զաալ Ուդումաշվիլիի հայտարարությամբ, Միխեիլ Սաակաշվիլիի տեղափոխումը Գլդանի բանտ կտրականապես անընդունելի է։

Ուդումաշվիլիի խոսքով, Գլդանիի հիվանդանոցն ի վիճակի չէ մատուցել այն ծառայությունները, որոնց կարիքն ունի Միխեիլ Սաակաշվիլին, իսկ Գլդանիի բանտում նրա կյանքին ուղղակի վտանգ է սպառնում։

«Սա մի բան է, որին մենք կտրականապես դեմ էինք։ Առաջին իսկ օրվանից մենք հայտարարել ենք, և ոչ միայն մենք, այլ նաև նրա իրավապաշտպանները, այն ամենը, որ կտրականապես անընդունելի է Միխեիլ Սաակաշվիլիին Գլդանիի բանտ տեղափոխելը երկու պատճառով: Առաջին. Գլդանիի հիվանդանոցն ի վիճակի չէ մատուցել անհրաժեշտ ծառայությունները այնպիսի պացիենտի, ինչպիսին Սաակաշվիլին է, և երկրորդ՝ Գլդանի բանտում նրա կյանքին ուղղակի վտանգ է սպառնում։

Հաշվի առնելով այս երկու կարևոր բաղադրիչները, որոնք ուղղակիորեն սպառնում են նրա առողջությանն ու կյանքին, մենք կտրականապես դեմ էինք նրան Գլդանիի բանտ տեղափոխելուն։ Ինչ է այս երկրում այլևս չկա հիվանդանոց, կամ Թբիլիսիի հիվանդանոցները, որտեղ նրան նորմալ բուժօգնություն կցուցաբերեն, բայց ոչ, փորձում են դժոխք ստեղծել Սաակաշվիլիին, որը Գլդանիի բանտն է, և այս ամենը կունենա համապատասխան արձագանք:

Մեր խնդրանքը չի կատարվել, ամեն ինչ մնում է նույնը, միայն թե, ընդհակառակը, Սաակաշվիլիի վիճակը Գլդանիի բանտ տեղափոխվելով ավելի է վատացել, քան Ռուսթավի բանտում։ Մենք ժամանակ չունենք կորցնելու, պետք է արագ գործել, կհավաքվենք ու այն մարդկանց հետ, որոնց սպասում ենք, և այստեղ շատ մարդիկ կհավաքվեն, մենք համատեղ որոշում կկայացնենք, թե որն է լինելու մեր գործողությունների ծրագիրը։ Այս իրադարձությունները որոշակի շտկումներ կմտցնեն ծրագրերի մեջ»,- ասել է Զաալ Ուդումաշվիլին:

Հատուկ քրեակատարողական ծառայության հաղորդմամբ, Միխեիլ Սաակաշվիլիի առողջական վիճակի վատթարացումը կանխելու և վտանգների ավելացման պատճառով թիվ 12 քրեակատարողական հիմնարկից տեղափոխել են թիվ 18 մեղադրյալների և դատապարտյալների բուժհաստատություն։