Պատրիարքը հավատացյալներին շնորհավորել է Ավետման տոնի կապակցությամբ
14:31, 07.04.2018
Համայն Վրաստանի կաթողիկոս պատրիարք Իլիա Երկրորդը Սիոնիի աթոռանիստ տաճարում հավաքվածներին դիմել է քարոզով: Պատրիարքը հավատացյալներին շնորհավորել է Ավետման տոնի կապակցությամբ:
«Բոլորիդ շնորհավորում եմ այս փառավոր տոների առթիվ: Հազվադեպ է, որ Ավագ Հինգշաբթին համընկնում է Ավետման տոնի հետ: Ավետումը Տիրոջ մեծագույն տոներից է: Ավետարանի համաձայն, այդ օրը Գալիլեայի Նազարեթ քաղաքում Աստվածածնի դիմաց հայտնվում է Գաբրիել հրեշտակապետը և ավետում, որ նրանից ծնվելու է Աստծո միածին որդին»,- նշել է Իլիա Երկրորդը:
