Օկուպացիոն ուժերի ներկայացուցիչները Քվեմո Նիքոզիի մերձակայքում ապօրինի ձերբակալել են Վրաստանի երկու քաղաքացու
Ռուսական օկուպացիոն ուժերի ներկայացուցիչները Գորիի մունիցիպալիտետի Քվեմո Նիքոզի գյուղի մոտ ապօրինի ձերբակալել են Վրաստանի երկու քաղաքացու։ Այս մասին տեղեկություն է տարածում Պետական անվտանգության ծառայությունը։
Նրանց տվյալներով՝ ապօրինի կալանավորման հերթական փաստի մասին տեղեկությունն անմիջապես հաղորդվել է Ժնևի միջազգային բանակցությունների համանախագահներին և միջազգային գործընկերներին։
«Գործող բոլոր մեխանիզմները գործարկվել են՝ հնարավորինս սեղմ ժամկետում ազատ արձակելու Վրաստանի ապօրինի ձերբակալված քաղաքացիներին», – հայտարարել է Պետական անվտանգության ծառայությունը։
ՊԱԾ-ը նշում է, որ Վրաստանի օկուպացված տարածքներում, ինչպես նաև օկուպացիոն գծի երկայնքով կատարված բոլոր ապակառուցողական գործողությունների պատասխանատվությունը կրում է օկուպացիոն ուժը։