Լևան Մաճավարիանի. Բարամիձեի հայտարարությունը հակապետական է և սարսափելի հարգանքի բացակայություն է այն հերոսների նկատմամբ, ովքեր մարտնչում էին Աբխազիայի պատերազմում

Գիորգի Բարամիձեն հակապետական հայտարարություն է արել, սա սարսափելի հարգանքի բացակայություն է այն հերոսների նկատմամբ, ովքեր մարտնչում էին Աբխազիայի պատերազմում: Շատ լավ է, որ սրան իրավական արձագանք հետևեց, – այս մասին հայտարարել է «Վրացական երազանքի» անդամ Լևան Մաճավարիանին:

«Բարամիձեն շատ կեղտոտ արշավ սկսեց, ինչը հետո պարոն Նիկա Գվարամիան և տիկին Սամադաշվիլին շարունակեցին, իսկ հետո պարոն Սաակաշվիլին եզրափակեց: Այս ամենը նա լավ մտածված ասաց, և դա իսկապես թշնամական հայտարարություն էր: Մի կողմից՝ սա սարսափելի հարգանքի բացակայություն է այն հերոսների նկատմամբ, ովքեր մարտնչում էին Աբխազիայի պատերազմում, և, մյուս կողմից՝ սա հակապետական հայտարարություն է, և շատ լավ է, որ սրան իրավական արձագանք հետևեց», – հայտարարել է Լևան Մաճավարիանին:  

Վրաստանի դատախազությունը «Ազգային շարժման» առաջնորդներից մեկին՝ Ներքին գործերի և պաշտպանության նախկին նախարար (2003-2004 թթ.) Գիա Բարամիձեին, հայրենիքի դավաճանության, մասնավորապես՝ սաբոտաժի մեղադրանքով, դատարանի որոշման հիման վրա ձերբակալել է: Մեղադրանքը նախատեսում է մինչև 4 տարվա ազատազրկում: Ինչպես նշված է դատախազության հայտարարության մեջ, ընթացիկ տարվա հուլիսին Իագո Խվիչիայի հեղինակային հաղորդման՝ «Վրաստանի ծնունդը» ընթացքում Բարամիձեն հայտարարել է, որ 1992-1993 թվականների Աբխազիայի զինված հակամարտության սկզբնական փուլում վրացական զինված ուժերի ներկայացուցիչները գերիներ չէին վերցնում և նրանց տեղում գնդակահարում էին, ինչով վրացական զինված ուժերին մեղադրել է միջազգային հումանիտար իրավունքի նորմերի խախտման և պատերազմական ծանր հանցագործություններ կատարելու մեջ: