ՆԱՏՕ-ի խորհրդարանական վեհաժողովի նախագահ. Մենք կսկսենք վերանայել Վրաստանի հավատարմությունը ընդհանուր ժողովրդավարական արժեքներին, որոնք կորոշեն գործընկերության հետագա զարգացումը
Մենք որոշել ենք սկսել վերանայել Վրաստանի հավատարմությունը մեր ընդհանուր ժողովրդավարական արժեքներին, որոնք կորոշեն մեր գործընկերության հետագա զարգացումը,- ասել է ՆԱՏՕ-ի խորհրդարանական վեհաժողովի նախագահ Մարկոս Պերեստրելոն։
Ինչպես նշել է Մարկոս Պերեստրելոն, շաբաթներ շարունակ վրաց ժողովուրդը ցույց է տվել իր անսասան հավատարմությունը ժողովրդավարական, եվրոպական Վրաստանին:
«Վրաստանի քաղաքական առաջնորդները պետք է վերջապես լսեն ժողովրդին և դադարեցնեն իրենց մշակած ժողովրդավարական հետընթացը։ Մեր վեհաժողովը մշտապես աջակցել է Վրաստանի ժողովրդավարական, եվրոպական և եվրատլանտյան ձգտումներին։ Մենք շարունակում ենք այդպես վարվել։ Այդ իսկ պատճառով մենք որոշեցինք սկսել վերանայել Վրաստանի հավատարմությունը մեր ընդհանուր ժողովրդավարական արժեքներին, որոնք կորոշեն մեր գործընկերության հետագա զարգացումը: Վրացական պատվիրակության ղեկավար Գիվի Միքանաձեին ուղարկված նամակում ես նրան և վրացական պատվիրակության մյուս անդամներին կոչ եմ արել օգտագործել իրենց ազդեցությունը՝ Վրաստանն անհապաղ վերադարձնելու ժողովրդավարական ուղի»,- նշում է Մարկոս Պերեստրելոն։