Որքանով տեղյակ եմ, Մառնեուլիում նոր կորոնավիրուսով վարակված հիվանդ կնոջ վիճակը փոքր-ինչ բարելավվել է, սակայն շարունակում է մնալ ծանր,- այս մասին հայտարարել է հիվանդությունների վերահսկման ազգային կենտրոնի ղեկավար Ամիրան Գամղրելիձեն:

Նրա խոսքով, հիվանդ կնոջ քրոջ նախնական թեստը ցույց է տվել կասկածելի դրական պատասխան, իսկ երկրորդ թեստը բացասական էր, վաղը նա անցնելու է կրկնակի թեստավորում:

Ամիրան Գամղրելիձեն նշել է, որ անհրաժեշտ է երկրում խստացնել միջոցներ, որպեսզի խուսափենք լայնածավալ համավարակից:

Հայտնի է դարձել, որ նախօրեին կորոնավիրուսի ախտանիշով Թբիլիսի տեղափոխված ​​միջին տարիքի կինը Մառնեուլից էր: Հիվանդը չորս օր առաջ Մառնեուլիի հիվանդանոց է բերվել երկկողմանի թոքաբորբով: Նրա առողջական վիճակը ծանր է: Հիվանդը գտնվում է համալսարանական առաջին կլինիկայում:

Մառնեուլիում և Բոլնիսում հայտարարվել է կարանտին: