Կրեմլը պնդում է, որ Դոնալդ Թրամփի նախագահության օրոք Ռուսաստանի համար ոչ մի լավ բան չէր կատարվում
Դոնալդ Թրամփի նախագահության օրոք Ռուսաստանի համար ոչ մի լավ բան չէր կատարվում, նոր սահմանափակումներ մտցվեցին, բայց մենք դեռ երկխոսում էինք,- ասել է Ռուսաստանի նախագահի մամուլի քարտուղար Դմիտրի Պեսկովը։
«Ինչ վերաբերում է Պուտինի և Թրամփի փոխըմբռնմանը, ապա Թրամփի օրոք Ռուսաստանի համար առանձնապես լավ բան չէր կատարվում, ընդհակառակը, նոր սահմանափակումներ մտցվեցին, թեև դեռ երկխոսություն կար։ Սա, հավանաբար, կարելի է դրական տարր համարել»,- ասել է Պեսկովը։
ԱՄՆ նախագահի թեկնածու Դոնալդ Թրամփը «Bloomberg»-ին տված հարցազրույցում չի բացառել, որ նոյեմբերի 5-ի ընտրություններում հաղթելու դեպքում կթուլացնի Ռուսաստանի դեմ սահմանված պատժամիջոցները։