Ռուսաստանի կողմից Կիևին հասցված հարվածի հետևանքով զոհերի թիվը հասել է 30-ի
Ռուսաստանի կողմից Կիևին հասցված հարվածի հետևանքով զոհերի թիվը հասել է 30-ի, վիրավորվել է 91 մարդ, որոնողափրկարարական աշխատանքները շարունակվում են:
Ուկրաինայի արտակարգ իրավիճակների ծառայությունից հայտնում են, որ որոնողափրկարարական աշխատանքները մի քանի վայրերում դեռ շարունակվում են, այդ թվում՝ Դարնիցկի շրջանում, որտեղ հարվածի հետևանքով մասնակիորեն փլուզվել է բազմահարկ բնակելի շենք։ Փրկարարները չեն բացառում, որ զոհերի թիվը կարող է էլ ավելի աճել։
Կիևի ռազմական վարչակազմի ղեկավար Թիմուր Տկաչենկոն հայտարարել է, որ այս պահի դրությամբ երեք մարդ համարվում է անհետ կորած։
Այսօր Կիևում սգո օր է, քաղաքի բոլոր մունիցիպալ շենքերի վրա դրոշները խոնարհված են։