Հիվանդությունների վերահսկման ազգային կենտրոնի ղեկավար Ամիրան Գամղրելիձեի հայտարարությամբ, մոտ ապագայում ուժի մեջ կմտնի կորոնավիրուսով վարակվածների հետ շփման մեջ գտնվող անձանց վարքի հետ կապված կառավարության որոշումը:

Ըստ Ամիրան Գամղրելիձեի, հրամանագրի համաձայն, մարդիկ, ովքեր շփում են ունեցել վարակված անձանց հետ, պետք է առանց թեստավորման անցնեն ինքնամեկուսացման ռեժիմի:

«Պատրաստվել է կառավարության կարգադրություն, որը հավանաբար կհրապարակվի մոտ օրերս: Դա հիմնականում վերաբերում է վարակվածների հետ շփման մեջ գտնվող անձանց կառավարմանը: Այս մասին մենք արդեն պայմանավորվել ենք և նախարարությանը ներկայացրել ենք համապատասխան որոշումը, որ վարակված անձանց հետ շփման մեջ գտնվող անձինք, ընդգծում եմ, սերտ շփման մեջ գտնվող անձինք, առանց որևէ փորձարկման, պետք է ուղիղ գնան ինքնամեկուսացման կամ մնան տանը: Նրանք, ովքեր չունեն ինքնամեկուսացման հնարավորություն, պետք է անցնեն կարանտին: Եթե ​​նրանք ասիմպտոմատիկ են, 12 օր չեն ստուգվի և 12-րը դուրս կգան կարանտինից, քանզի եթե նրանց մոտ վարակն ընթացել է ասիմպտոմատիկ, ապա նրանք այլևս վարակիչ չեն: Սակայն եթե նրանց մոտ այդ 12 օրվա ընթացքում կնկատվեն փոքր ախտանիշներ` ջերմություն, շնչառությն բարդացում կամ հազ, ապա պետք է դիմեն բժշկին և նա որոշում կկայացնի փորձարկման անհրաժեշտության մասին, որպեսզի թեստը հնարավորինս նպատակային լինի »,- ասել է Ամիրան Գամղրելիձեն: