Վրաստանում ԱՄՀ առաքելության ղեկավարի պաշտոնակատար Սուբիր Լալի, Վրաստանի ազգային բանկի նախագահ Կոբա Գվենետաձեի և ֆինանսների նախարար Լաշա Խուցիշվիլիի միջև տեղի ունեցավ տեսակոնֆերանս ԱՄՀ-ի աջակցությամբ «Ընդլայնված ֆինանսավորման մեխանիզմով» ծրագրի ութերորդ վերանայման ավարտի վերաբերյալ:

Սա վերջին քննարկումն էր, որով ավարտվեց ծրագիրը: Այս ծրագրի շրջանակներում Վրաստանը ստացել է շուրջ 690 միլիոն դոլլար:

Կոբա Գվենետաձեն շնորհակալություն հայտնեց ԱՄՀ առաքելության անդամներին աշխատանքի համար և նշեց, որ այս կազմակերպության աջակցությունը առանձնահատուկ նշանակություն ունի նման բարդ պայմաններում, որոնք ստեղծվել են համաճարակի ֆոնին:

ԱՄՀ առաքելությունը կրկնել է, որ գնաճի նպատակադրման շրջանակը, լողացող փոխարժեքի ռեժիմի հետ մեկտեղ, Վրաստանին լավ ծառայություն է մատուցում:

«Մենք ուրախ ենք, որ առաքելությունը միանշանակ աջակցում է Ազգային բանկի ձեռնարկած միջոցներին և վարվող դրամավարկային քաղաքականությանը: Ըստ Արժույթի միջազգային հիմնադրամի, Վրաստանի ազգային բանկը պատշաճ կերպով կենտրոնացած է գնաճի նպատակային ցուցանիշին հասնելու վրա: Քննարկման մեջ նշվում է, որ բանկային համակարգը կարողացել է պահպանել բավարար բուֆերներ՝ կորոնավիրուսի ցնցումը հաղթահարելու համար, արտացոլելով նախաճգնաժամային վերահսկողության ռեժիմի արդյունավետությունը: Ապագայում նույնպես կարևոր կլինի նախաձեռնողական մոտեցումներ ցուցաբերել, որպեսզի վերահսկողական քաղաքականությունը հավասարակշռի մի կողմից, տնտեսության վերականգնման գործընթացի աջակցությունը և, մյուս կողմից, պատշաճ կերպով կառավարի ակտիվների որակը», – հայտարարել է Ազգային բանկի նախագահը՝ համատեղ տեսաժողովում:

Կոբա Գվենետաձեն շնորհակալություն հայտնեց ներգրավված բոլոր կողմերին և հույս հայտնեց, որ մոտ ապագայում բանակցություններ կսկսվեն Հիմնադրամի նոր ծրագրի գործարկման շուրջ: