Կաշխատենք, քանի դեռ կուսակցությունները չեն գտնի առաջընթացի ճանապարհը, հուսով եմ վաղը կունենանք առաջընթաց, բոլորը պատրաստ են մտածել փոխզիջումների մասին. Քրիստիան Դանիելսոն
Կշարունակեմ աշխատել նաև վաղը, իմ նպատակն է աշխատել և օգնել կողմերին ելք գտնելու հարցում, – այս մասին հայտարարել է Եվրոպական խորհրդի նախագահ, Շառլ Միշելի անձնական ներկայացուցիչ Քրիստիան Դանիելսոնը:
«Սա բարդ ու կոմպլեքսային հարցեր են, հարցեր, որոնք բոլոր քաղաքական դերակատարները պետք է ընդունեն և փոխզիջման գնան: Ամեն անգամ, երբ փոխզիջման ես գնում, ժամանակ է պետք: Իմ ակնկալիքը միշտ եղել է այն, որ մենք աշխատելու ենք այնքան ժամանակ, քանի դեռ կողմերը չեն գտել առաջ գնալու ճանապարհը: Հուսով եմ, որ վաղը մենք առաջընթաց կունենանք: Կարծում եմ, որ դա կարևոր է, և ես դա ասացի կողմերին: Բոլորը պատրաստ են մտածել փոխզիջման մասին: Ես այսօր ցանկանում էի ասել, որ կողմերը ելք են գտել: Հիմա պարզ է, որ մենք դեռ չենք հասել դրան: Վաղը կշարունակեմ աշխատել: Իմ նպատակն է աշխատել և օգնել կողմերին ելք գտնելու հարցում», – հայտարարել է Քրիստիան Դանիելսոնը:
Քրիստիան Դանիելսոնը այսօր պետք է լքեր Վրաստանը, սակայն նա մնում է երկրում և շարունակում է բանակցային գործընթացը:
Դանիելսոնը այսօր հանդիպումներ է ունեցել ինչպես իշխող կուսակցության, այնպես էլ ընդդիմության ներկայացուցիչների հետ, չնայած բանակցությունների կոնկրետ արդյունքը դեռ հայտնի չէ: