Կարծում եմ, ընդհանուր դատարանների մասին օրենքում փոփոխությունների շուրջ հասել ենք համաձայնության. Իրակլի Կոբախիձե
Կարծում եմ, ընդհանուր դատարանների մասին օրենքում փոփոխությունների շուրջ հասել ենք համաձայնության,- այս մասին լրագրողներին է հայտնել Վրաստանի խորհրդարանի նախագահ Իրակլի Կոբախիձեն, դատական բարեփոխման աշխատանքային խմբի հանդիպումից հետո:
Նրա խոսքով, աշխատանքային խմբում համաձայնել են հիմնական հարցերի շուրջ, սակայն կան հարցեր, որոնց շուրջ շարունակվում են խորհրդակցությունները:
«Դատական բարեփոխման հետ կապված շարունակվում են քննարկումները: Մենք մեկ անգամ ևս մանրամասն քննարկում ենք կանոնակարգերը, որոնք ավելանում են ընդհանուր դատարանների մասին օրենքին: Հիմնական հարցերի շուրջ համաձայնել ենք, այժմ կա մի քանի հարց, որոնց առնչությամբ ընթանում են խորհրդակցություններ:
Հաջորդ հանդիպմանը կնախաձեռնենք օրինագիծ, որը կնախաձեռնվի խորհրդարանում»,- հայտարարել է Կոբախիձեն: