Նախագահի երդմնակալությունը տեղի կունենա երկու օրից, և Միխեիլ Ղավելաշվիլին առաջիկա հինգ տարիներին շատ պատվով իր նախագահական լիազորությունները կկատարի,- լրագրողներին ասել է Վրաստանի վարչապետ Իրակլի Կոբախիձեն։

Իրակլի Կոբախիձեն արձագանքել է երդմնակալության հետ միաժամանակ հայտարարված հանրահավաքին և նշել, որ վեց տարի առաջ ճիշտ նույն հանրահավաքը կազմակերպվել էր Սալոմե Զուրաբիշվիլիի դեմ, իսկ հիմա Սալոմե Զուրաբիշվիլին հանրահավաքներ է կազմակերպում այդ մարդկանց հետ։

«Իրենք իրենց զավեշտալի դրության մեջ են դրել: Այստեղ ամենազավեշտալի իրավիճակում է անձամբ Սալոմե Զուրաբիշվիլին, ինչպես նաև ողջ ծայրահեղական ​​ընդդիմությունը։ Դա ոչ մի գին չունի: Վեց տարի առաջ էլ այն ժամանակվա արմատական ​​ընդդիմությունն էր և նույն մարդիկ այսօր էլ հանրահավաքներ են կազմակերպում, թեև ի վերջո երդմնակալությունն անցավ սովորականի նման։ Նույնը, իհարկե, կլինի այսօր։ Նախագահի երդմնակալությունը տեղի կունենա երկու օրից, և Միխեիլ Ղավելաշվիլին իր նախագահական լիազորությունները արժանապատվորեն կկատարի առաջիկա հինգ տարում»,- ասել է վարչապետը։