Իրակլի Կոբախիձե. Կոնկրետ հանրապետական քաղաքական գործիչն ակտիվացվել է Թրամփի օրոք խնդիրները շարունակվելու ընկալում ստեղծելու համար, նոր վարչակազմից մենք այլ բան ենք սպասում
Բոլորին խորհուրդ կտամ զերծ մնալ ապարդյուն արշավներ անելուց, դա վրաց հասարակության մեջ առանձնակի ոգևորություն չի առաջացնի և վրաց հասարակության վրա չի ազդի, միակ բանը, որ ազդում է վրաց հասարակության վրա, ճշմարտությունն է, և մենք արել ենք դրա համար շատ բան,- այս մասին լրագրողներին ասել է Վրաստանի վարչապետ Իրակլի Կոբախիձեն։
Վարչապետին հարցրել են հանրապետական կոնգրեսական Ջո Ուիլսոնի հայտարարության մասին։ Կառավարության ղեկավարի խոսքով՝ երբ կոնկրետ քաղաքական գործիչը չի խոսում ճշմարտությունը, նրա հայտարարություններն այլևս հեղինակավոր չեն հասարակության շրջանում։
«Հաճախ տեսնում ենք, երբ այս կամ այն պաշտոնյայի կողմից ինտենսիվ հայտարարություններ են արվում, ապա կոնկրետ ֆինանսական շահագրգռվածության նշաններ են ի հայտ գալիս։ Ես չգիտեմ, թե այս դեպքում ինչի հետ գործ ունենք, համենայնդեպս ես դրան առանձնապես ուշադրություն չէի դարձնի։ Գլխավորն այն է, որ հասարակությունն ամեն ինչ սովորել է, առաջին հերթին սովորել է, որ ոչ մի առանձին քաղաքական գործչի հայտարարությունների հետևից չպետք է ընկնի։ Հիշում եք, որ հինգ բանաձեւ ընդունվեց Եվրախորհրդարանի կողմից, բայց նույնիսկ սրանով նրանք չկարողացան ազդել հասարակության վրա, քանի որ հանրության համար ամենակարեւորն այն է, թե որն է ճշմարտությունը։ Երբ տեսնում են, որ կոնկրետ քաղաքական գործիչն իրականությունը չի ասում, այդ հայտարարություններն այլեւս տեղին չեն հասարակության համար։ Բոլորին խորհուրդ կտամ զերծ մնալ նման սին արշավներից, դա վրաց հասարակության մեջ առանձնակի ոգևորություն չի առաջացնի և վրաց հասարակության վրա չի ազդի, վրաց հասարակության վրա ազդող միակ բանը ճշմարտությունն է, և մենք շատ բան արեցինք դրա համար: Նրանք ակտիվացրել են կոնկրետ հանրապետական քաղաքական գործչի, որ ստեղծվի ընկալում, թե Թրամփի օրոք խնդիրները կշարունակվեն: Նոր վարչակազմից մենք այլ բան ենք սպասում։ Մեր ձեռքը մեկնել ենք, նոր վարչակազմին առաջարկում ենք մաքուր էջից սկսել ռազմավարական գործընկերությունը, որակապես թարմացնել, բարելավել հարաբերությունները, որոնք այսօր առողջ վիճակում չեն։ Հուսով ենք, որ ԱՄՆ նախագահի վարչակազմի կողմից կլինեն պրագմատիկ քայլեր, դա բխում է երկու երկրների՝ և՛ Վրաստանի, և՛ ԱՄՆ-ի շահերից»,- ասել է վարչապետը։
