Կառավարությունը որոշում է կայացրել արտակարգ դրության շրջանակներում  զգալիորեն խստացնել միջոցառումները, որոնք ուժի մեջ են մտնելու վաղը ՝ առավոտյան 08: 00-ից:Այս մասին  հայտարարել է Վրաստանի վարչապետ Գիորգի Գախարիան ՝  Կորոնավիրուսի առնչությամբ  միջգերատեսչական համակարգող խորհրդի նիստի ավարտից հետո կայացած   ճեպազրույցում:

Հանդիպումն այսօր անցկացվել է ընդլայնված ձևաչափով  և  դրան խորհրդի անդամներից բացի մասնակցում էին նաև    քաղաքապետը, նախարարների կաբինետի անդամներ և հիվանդությունների վերահսկման պաշտոնյաներ:

«Մենք որոշում ենք կայացրել արտակարգ դրության պայմաններում միջոցառումները զգալիորեն խստացնելու մասին: Մենք փաստացիորեն հայտարարում ենք,     շեշտում եմ, փաստացիորեն, համընդհանուր կարանտին, որը կմեկնարկի վաղը առավոտյան 08: 00-ից: Այս կարանտինը նշանակում է հետևյալը.

Ամբողջովին արգելվում է ճանապարհորդել ցանկացած տիպի  հասարակական տրանսպորտով (ներառյալ մետրոն) ինչպես միջքաղաքային, այնպես էլ քաղաքների և  մունիցիպալիտետնետի ներսում:

Միայն թեթև մարդատար ավտոմեքենաներով (ներառյալ տաքսիներով)   երթևեկությունը թույլատրվում է միայն այն դեպքում, եթե հաշվի է առնվում   Առողջապահության նախարարության հանձնարարականը և մեքենայում   ընդամենը 3 անձ է լինում, դա էլ  միմիայն     այն դեպքում, եթե հետևի նստատեղում նստած լինի   երկու անձ: Սա շատ կարևոր հանձնարարական է, որը հաղվի չառնելու  դեպքում համապատասխան պետական ​​մարմինները կկայացնեն համապատասխան որոշումներ:

Թույլատրվում է նաև ուղևորափոխադրումները    միայն ռազմավարական նշանակություն ունեցող օբյեկտների անձնակազմի անվտանգ և կազմակերպված  փոխադրման նպատակով:

Ավելի քան երեք անձի հավաքն արգելված է, բացառությամբ մթերային խանութներում և դեղատներում, որտեղ պարտադիր է պահպանել երկու մետր   սոցիալական հեռավարությունը:

Սրա հետ մեկտեղ, կառավարության կողմից թույլատրված ձեռնարկությունների գործունեություններում աշխատանքի կարգը      կսահմանվի   առանձին  և կունենա առանձին կանոնակարգ,որըը առողջության նախարարության հետ համաձայնեցված կլինի : Մենք դա անում ենք նրա համար, որ տնտեսությունը կարողանա շարունակել գործել, և որ Վրաստանի տնտեսության ներուժը լիովին դադարեցված չլինի: Նաև, իհարկե այն պատճառով,  որ   մեր քաղաքացիները հնարավորինս պահպանեն իրենց աշխատատեղերը:

Արգելվում է 70 տարեկանից բարձր մեր քաղաքացիների տնից դուրս գալը, բացի այն պարագայից երբ  նրանք գնում են մոտակա մթերային խանութ, մոտակա դեղատուն կամ մոտակա բժշկական հաստատություն:

Եթե 70 տարեկանից բարձր մեր քաղաքացիները միայնակ են, ապա նրանց պարտավոր են հոգ տանել տնտեսության և առողջապահության նախարարությունները, ինչպես նաև տեղակալ մունիցիպալիտետները:

Ամենակարևորը `արտակարգ դրության դեպքում փաստացիորեն հայտարարվում է լիարժեք կարանտին: 21: 00-ից արգելվում է ինչպես հետիոտների տեղաշարժը, այնպես էլ երթևեկությունը տրանսպորտային միջոցներով ՝   քաղաքներով  և    ողջ երկրի  մասշտաբով ՝մինչև  06:00: Փաստացիորեն, մեկ անգամ ևս շեշտում եմ, որ փաստացիորեն՝ նշանակում է, որ երկրի  մասշտաբով, 21: 00-ից մինչև 06: 00-ն ընկած ժամանակահատվածում   հայտարարվում է  այսպես կոչված պարետային ժամ:

Մարդկանց տեղաշարժի  և նրանց առողջությունը վերահսկելու նպատակով, անձանց տեղաշարժը վերահսկելու և արտակարգ դրության  խստացված պայմանների   և այդ պայմանները կատարման համար, ինչպես նաև առաջնային ջերմաչափման   համար, կկազմակերպվեն հատուկ շտաբներ՝ ք.Թբիլիսիում,ք. Բաթումիում ք. Քութայիսիում, ք.  Ռուսթավիում, ք.  Փոթիում, ք.  Զուգդիդիում և ք.Գորիում: Այդ քաղաքների վարչական սահմանները վերահսկելու նպատակով, այս միջոցառումը կիրականացնի Ներքին գործերի նախարարությունը և ներգրավված կլինեն ՊՆ համապատասխան գերատեսչությունները:

Շատ կարևոր կետ. Յուրաքանչյուր քաղաքացի ցանկացած պահին քաղաքում շրջելիս պետք է ունենա նույնականացման վկայական», – հայտարարել է Վրաստանի վարչապետը:

Հեղինակ՝ Ռոբերտ Քարտաշյան