Հայաստանից ստացված դրական ազդանշանները սահմանների սահմանազատման վերաբերյալ հույս են ներշնչում, որ գործընթացը կառուցողական զարգացում կունենա. Ադրբեջանի արտաքին գործերի նախարարություն
Ադրբեջանի արտաքին գործերի նախարարության ներկայացուցիչ Լեյլա Աբլաևայի հայտարարությամբ, Հայաստանից ստացված դրական ազդակները սահմանների սահմանազատման վերաբերյալ հույս են ներշնչում, որ այս գործընթացը կզարգանա կառուցողական ուղղությամբ:
«Ադրբեջանն աջակցում է բոլոր պետությունների հետ հարաբերությունների հաստատմանը միմյանց միջազգայնորեն ճանաչված սահմանների նկատմամբ հարգանքի հիման վրա, ինչը մեր երկրի անփոփոխ դիրքորոշումն է: Հայտնի է, որ մենք, ի թիվս այլ հարցերի, մեր պատրաստակամությունն ենք հայտնել կարգավորել Հայաստանի հետ հարաբերությունները, միջազգային իրավունքի այս հիմնարար սկզբունքի հիման վրա և սկսել բանակցություններ սահմանի սահմանազատման վերաբերյալ:
Ադրբեջանի և Հայաստանի միջև սահմանազատման գործընթացը երկկողմանի խնդիր է, և հակառակ կողմի վերջին դրական ազդակները այս հարցում հույս են տալիս գործընթացի կառուցողական ուղղությամբ զարգացման», – ասել է Ադրբեջանի ԱԳ նախարարության ներկայացուցիչը: