Գիորգի Շաքարաշվիլիի սպանության գործով ձերբակալված հինգ անձի դատական գործընթացը կշարունակվի մեղադրող կողմի վկաների հարցաքննությամբ
Մցխեթայի շրջանային դատարանում վերսկսվելու է Գիորգի Շաքարաշվիլիի կանխամտածված սպանության գործով ձերբակալված հինգ անձանց դատական գործընթացը: Նիստը կշարունակվի մեղադրող կողմի վկաների հարցաքննությամբ:
Մեղադրյալներից մեկի փաստաբան, Բեքա Նեմսիծվերիձեի հայտարարությամբ, նշված քրեական գործում կա շուրջ 100 վկա, սակայն նրանցից ոչ մեկը հարձաքննության արձանագրությունում չի խոսում սպանության փաստի մասին: Ինչպես հայտարարել է Բեքա Նեմսիծվերիձեն, վկաները տեղեկություն չունեն դեպքի մասին:
«Մենք շարունակում ենք Մցխեթայի շրջանային դատարանում 109-րդ հոդվածով նախատեսված գործի քննությունը: Հարցաքննվելու են վկաները: Մեզ դեռ հայտնի չէ, թե կոնկրետ որ վկաներին է բերելու մեղադրող կողմը, կամ քանի վկայի: Այնուամենայնիվ, դա մեզ համար նշանակություն չունի, քանի որ նրանցից ոչ ոք ուղղակի վկա չէ: Գործում նշված վկաներից ոչ մեկը չի խոսում այն հանգամանքների մասին, որոնք կօգնեն մեղադրող կողմին ապացուցել մեղքը: Հետևաբար, մենք որևէ վկայի չենք կարևորում, որպեսզի նախապես պատրաստվենք նրանց հարցաքննությանը: Բոլոր ապացույցներն արդեն ներկայացվել են, նոր ապացույցներ չեն ներկայացվելու և մենք ուսումնասիրում ենք մեղադրող կողմի ներկայացրած ապացույցները: Դրանից հետո մենք կանցնենք պաշտպանական կողմի ապացույցներին»,- հայտարարել է փաստաբանը: