Ֆինանսների նախարար Լաշա Խուցիշվիլին հանդիպել է Համաշխարհային բանկի տարածաշրջանային տնօրենին
Համաշխարհային բանկի և Վրաստանի համագործակցությունը քննարկել են ֆինանսների նախարար Լաշա Խուցիշվիլին և Համաշխարհային բանկի Հարավային Կովկասի տարածաշրջանային տնօրեն Սեբաստիան Մոլինյուսը: Տեղեկատվությունը տարածում է Ֆինանսների նախարարությունը:
Սեբաստիան Մոլինյուսը շնորհավորել է Լաշա Խուցիշվիլիին՝ Ֆինանսների նախարար նշանակվելու կապակցությամբ և հույս հայտնել, որ Համաշխարհային բանկի և Վրաստանի համագործակցությունը ապագայում կշարունակվի:
Իր հերթին, ֆինանսների նախարարը շնորհակալություն է հայտնել Համաշխարհային բանկի տարածաշրջանային տնօրենին Համաշխարհային բանկի կողմից Վրաստանին ցուցաբերվող նշանակալի աջակցության համար՝ համաճարակի դեմ պայքարում, և երկրի տնտեսությունը զարգացնելու գործում:
Ենթակառուցվածքային նախագծեր, տարածաշրջանային և քաղաքային զարգացում, փոքր և միջին ձեռնարկությունների աջակցություն, կրթություն, մարդկային կապիտալի զարգացում, էներգետիկա, գյուղատնտեսություն. Սրանք այն ոլորտներն են, որոնք ֆինանսավորվում են Համաշխարհային բանկի աջակցությամբ:
Հանդիպմանը կողմերը դրական գնահատեցին բարեփոխումների գործընթացում Վրաստանի ձեռքբերած առաջընթացը և հույս հայտնեցին, որ Covid-19-ի դեմ պայքարին զուգահեռ, հետհամաճարակային շրջանում կշարունակվի ակտիվ համագործակցությունը՝ հնարավորինս արագ վերականգնելու երկրի տնտեսության բոլոր հատվածները: