Մենք խստորեն դատապարտում ենք «Վրացական երազանքի» գործողությունները Բիձինա Իվանիշվիլիի գլխավորությամբ, ներառյալ Վրաստանի քաղաքացիների նկատմամբ շարունակվող և դաժան բռնաճնշումները,- ասել է ԱՄՆ պետքարտուղար Էնթոնի Բլինկենը Պետդեպարտամենտի հրապարակած հայտարարության մեջ։

Ինչպես նշում է Բլինկենը, ԱՄՆ-ը պարտավոր է օգնել պատասխանատվության ենթարկել նրանց, ովքեր խաթարում են ժողովրդավարությունը և մարդու իրավունքները Վրաստանում:

«Ամերիկայի Միացյալ Նահանգները Վրաստանի իշխող «Վրացական երազանք» կուսակցության հիմնադիր և պատվավոր նախագահ Բիձինա Իվանիշվիլիին հայտարարում է Վրաստանի ժողովրդավարական և եվրատլանտյան ապագան խարխլող՝ հօգուտ Ռուսաստանի։ Իվանիշվիլիի և «Վրացական երազանքի» գործողությունները թուլացրել են ժողովրդավարական ինստիտուտները, նպաստել մարդու իրավունքների ոտնահարմանը և սահմանափակել հիմնարար ազատությունների իրացումը Վրաստանում։ Բացի այդ, նրանք խաթարեցին Վրաստանի եվրատլանտյան ապագան։ Ապագան, որին աջակցում է վրաց ժողովուրդը մեծ մեծամասնությամբ, և որը նախատեսում է Վրաստանի Սահմանադրությունը։ Արդյունքում Վրաստանը խոցելի մնաց Ռուսաստանի առաջ, որը շարունակում է գրավել երկրի տարածքի ավելի քան 20 տոկոսը։

Մենք խստորեն դատապարտում ենք «Վրացական երազանքի» գործողությունները Իվանիշվիլիի գլխավորությամբ, ներառյալ Վրաստանի քաղաքացիների, ցուցարարների, լրատվամիջոցների ներկայացուցիչների, իրավապաշտպանների և ընդդիմադիր գործիչների նկատմամբ շարունակվող և դաժան բռնաճնշումները։ Միացյալ Նահանգները պարտավոր է օգնել պատասխանատվության ենթարկել նրանց, ովքեր խաթարում են ժողովրդավարությունը և մարդու իրավունքները Վրաստանում:

Իվանիշվիլին պատժվում է 14024 Գործադիր հրամանի 1(a)(ii)(C) բաժնի համաձայն, քանի որ պատասխանատու է կամ մեղսակից, կամ ուղղակի կամ անուղղակիորեն ներգրավված է եղել կամ փորձել է ներգրավվել ժողովրդավարական գործընթացները կամ ինստիտուտները խարխլող գործողությունների կամ քաղաքականության մեջ, որը խարխլում է ժողովրդավարական գործընթացները կամ ինստիտուները Միացյալ Նահանգներում կամ արտասահմանում, Ռուսաստանի Դաշնության կառավարության անունից կամ ի շահ Ռուսաստանի Դաշնության կառավարության, ուղղակիորեն կամ անուղղակիորեն», – ասվում է Էնթոնի Բլինկենի հայտարարության մեջ: