Հիվանդությունների վերահսկման ազգային կենտրոնի ղեկավար, Ամիրան Գամղրելիձեի հայտարարությամբ, կորոնավիրուսի տարածման դեմ կանխարգելիչ միջոցառումներից մեկը խոշոր հավաքույթներից խուսափելն է:

Նրա խոսքով, նույնիսկ ամենօրյա թեստը կորոնավիրուսի համար լավագույն կանխարգելիչ միջոցը չէ, քանի որ նույնիսկ խիստ զգայուն «Փի Սի Ար» թեստերը չունեն 100 տոկոսանոց ցուցանիշ:

«Հինգ կանխարգելիչ միջոցառումներից, որոնք ես միշտ անվանում եմ, և դա իմ գյուտը չէ, մեկն այն է, որ խուսափենք մեծ հավաքներից: Ցանկացած մեծ հավաքույթ, լինի դա հարսանիք, այլ ծիսական ընթրիք, հանրահավաք կամ կամ այլն, համավարակի ընթացքում վարակի տարածման ավելացած ռիսկ են:

Հետևաբար, վարակից բացարձակ պաշտպանություն չկա: Այօ, քաղաքական գործընթացը շատ կարևոր է, ոչ ոք չի կարող արգելել խոսքի ազատությունը, սակայն լինենք ավելի համեստ, լինենք պաշտպանված, որ միմյանց չփոխանցենք և վարակը չտարածենք:

Ինչ վերաբերում է այն փաստին, որ մենք ամեն օր թեստավորվում ենք, դա շատ լավ է, եթե ամեն օր ստուգվում են, սակայն բժշկության մեջ հարյուր տոկոսանոց ոչինչ չկա: Նախևառաջ, ոչ մի թեստ հարյուր տոկոսանոց չէ, նույն «Փի Սի Ար» թեստը, որն ամենազգայունն է, նույնպես 100 տոկոսանոց չէ, այնպես որ այսօր լավագույն պրոֆիլակտիկ և կանխարգելիչ միջոցառումները այն հինգ կանխարգելիչ միջոցներն են»,- հայտարարել է Ամիրան Գամղրելիձեն: