Բաշար Ասադի պաշտոնանկությունից հետո Թուրքիայի և Իրանի առաջնորդների առաջին հանդիպման ժամանակ Էրդողանն ասել է, որ «ցանկանում է տեսնել Սիրիա, որտեղ ահաբեկչությունը կվերացված է»
Սիրիայի նախագահ Բաշար Ասադի տապալումից հետո Թուրքիայի և Իրանի առաջնորդներն առաջին անգամ հանդիպեցին։
Հանդիպումը կայացել է Կահիրեում՝ ութ մահմեդական երկրների գագաթնաժողովում։
Ի գիտություն, Թուրքիան և Իրանը Սիրիայի քաղաքացիական պատերազմի ժամանակ աջակցում էին տարբեր ուժերի, Թուրքիան՝ Ասադի հակառակորդներին, իսկ Իրանը աջակցում էր Ասադի ռեժիմին։
Թուրքիայի նախագահ Ռեջեփ Թայիփ Էրդողանը հանդիպման ժամանակ ասել է, որ իր երկիրը «ցանկանում է տեսնել Սիրիա, որտեղ գերակայում են կայունությունն ու անվտանգությունը», և որտեղ «ահաբեկչությունը վերացվել է»,- ասվում է Թուրքիայի նախագահի աշխատակազմի տարածած հայտարարության մեջ։
Էրդողանը նաև ընդգծել է «Սիրիայի տարածքային ամբողջականության և միասնության» պաշտպանության կարևորությունը։
Իրանի նախագահ Մասուդ Պեզեշկյանի գրասենյակի հայտարարության մեջ նույնպես ընդգծվում է, որ «Սիրիայի տարածքային ամբողջականության ցանկացած, նույնիսկ ամենափոքր խախտումը միանգամայն անընդունելի է»։
Պեզեշկյանն ասաց, որ մուսուլմանական երկրները «պետք է պատասխանատվությամբ գործեն» տարածաշրջանում Իսրայելի «հանցագործություններին» դիմակայելու համար: