Դոնալդ Թրամփը հայտարարում է, որ չի ցանկանում որևէ խնդիր ստեղծել, սակայն մեծ հաճույքով կտեսներ միավորված Իրլանդիան
ԱՄՆ նախագահ Դոնալդ Թրամփը հայտարարում է, որ չի ցանկանում որևէ խնդիր ստեղծել, սակայն մեծ հաճույքով կտեսներ միավորված Իրլանդիան:
Թրամփն ասում է, որ երկու կողմում էլ ընկերներ ունի, և որ միավորումը «բոլորի համար մեծ հաջողություն» կլիներ: Թրամփի պարզաբանմամբ՝ դա ի վերջո տեղի կունենա և հիանալի կլինի:
«Չեմ ցանկանում որևէ խնդիր ստեղծել: Ձեզ կասեմ, որ շատ կցանկանայի դրա միավորումը: Երկու կողմում էլ ընկերներ ունեմ: Այնտեղ հիանալի մարդիկ են ապրում — իրլանդացիներ: Մի՞թե նրանք կարող են վատը լինել: Շատ եմ ցանկանում, որ միավորվի: Կարծում եմ՝ դա հիանալի կլինի: Այո՛, դա բոլորի համար մեծ հաջողություն և պատվի գործ կլիներ: Վաղ թե ուշ դա անպայման տեղի կունենա, անպայման տեղի կունենա: Ամեն ինչ իր ժամանակին է լինում: Հիմա այս մասին ենք խոսում, և գործը տեղից շարժելու համար հենց այն մարդն ունեք, ով անհրաժեշտ է: Բայց, այո՛, կարծում եմ՝ դա ֆանտաստիկ բան կլիներ: Ակնհայտ է, որ այս հարցում իր խոսքն ունի ասելու նաև Մեծ Բրիտանիան, սակայն կարծում եմ՝ դա հիանալի կլինի: Վերջիվերջո, ի՞նչ կարող է դրանում վատ լինել», – նշել է Դոնալդ Թրամփը:
Իրլանդիայի մայրաքաղաք Դուբլին Դոնալդ Թրամփը ժամանել է այսօր առավոտյան: