Գուրջաանիի շրջանային դատարանի մոտ հավաքված ակցիայի մասնակիցները տեղում գտնվող կին ոստիկաններին նվիրել են ծաղիկներ:
Ոստիկանությունը մոբիլիզացված է դատարանի մուտքի մոտ: Ակցիայի մասնակիցները ոստիկաններին փոխանցել են կարմիր մեխակներ:
Գուրջաանի շրջանային դատարանն այսօր քննարկելու է «Ազգային շարժման» անդամին, Դավիթ Կիրկիտաձեին խափանման միջոց սահմանելու հարցը: Գուրջաանիում հավաքվել են միավորված ընդդիմության առաջնորդները և կողմնակիցները:
Գուրջաանիում ընդդիմության կողմից նախատեսված ակցիայի կապակցությամբ հայտարարություն է տարածել Վրաստանի ներքին գործերի նախարարությունը: Ինչպես տեղեկացնում են գերատեսչությունում, ՆԳՆ կպաշտպանի Գուրջաանիում նախատեսված բողոքի ցույցին հավաքվածների արտահայտման ազատությունը և նրանց անվտանգությունը:
Գերատեսչության տեղեկությամբ, Գուրջաանիում նախատեսված բողոքի ցույցերի առնչությամբ որոշ փողոցներում սահմանափակվելու է երթևեկությունը:
