Associated Press. «Թալիբանը» շուտով Քաբուլից կհայտարարի «Աֆղանստանի իսլամական էմիրության» ստեղծման մասին
«Թալիբանը» շուտով Աֆղանստանի մայրաքաղաք Քաբուլից կհայտարարի «Աֆղանստանի իսլամական էմիրության» ստեղծման մասին: Նշված տեղեկությունը տարածել է «Associated Press»-ը՝ վկայակոչելով «Թալիբանի» ներկայացուցչությունը:
Այդպես էր կոչվում «Թալիբանի» իշխանությունը Աֆղանստանում 1996-2001 թվականներին:
Հատկանշական է, որ «Թալիբանին» հաջողվել է վերցնել մայրաքաղաք Քաբուլը, իսկ Աֆղանստանի նախագահ Աշրաֆ Ղանին հեռացել է երկրից: