Ցանկանում ենք արձագանքել տարբեր լրատվամիջոցների կողմից տարածած տեղեկատվությանը, որի համաձայն, «Համագործակցություն հանուն մարդու իրավունքների (PHR)» կազմակերպությունը, Սամգորի շրջանի, Աֆրիկա բնակավայրում ապրող բնակիչներից մեկի տան ապամոնտաժումը դադարեցնելու վերաբերյալ դիմել է դատարանին,- այս մասին ասված է Թբիլիսիի քաղաքային տեսչության հայտարարության մեջ:

Կազմակերպության տեղեկությամբ, Չանգելիաների տան ապամոնտաժումը նախատեսված է դեկտեմբերի 20-ին: Թբիլիսիի քաղաքային տեսչությունը սիստեմատիկորեն վերահսկում է պետական ​​հողերի զավթման և ապօրինի շինությունների փաստերը: Ստուգման արդյունքում հայտնաբերված խախտումները ստուգվում են և համապատասխան իրավական ընթացակարգերն անցնելուց հետո ապամոնտաժվում են միայն այն շինությունները, որտեղ այդ պահին ոչ ոք չի ապրում:

Ապամոնտաժման գործընթացը սկսելուց առաջ, ըստ օրենքի, քաղաքային տեսչությունը պարտավոր է գրավոր նախազգուշացնել սեփականատիրոջը և կոչ անել ապօրինի շինարարությունը ապամոնտաժել ինքնուրույն: Գրավոր ծանուցման մեջ նշվում է նաև տեսչության կոնտակտային տվյալները: Ինչպես մյուս դեպքերում, մայրաքաղաքի քաղաքային տեսչությունը նույնպես գրավոր նախազգուշացում է տվե Չանգելիաների ընտանիքին, որտեղ հստակ ժամկետ սահմանված չի եղել: Հետևաբար, տարածված տեղեկատվությունը կեղծ է և նպատակ ունի մոլորության մեջ գցել հասարակությանը:

Մեկ անգամ ևս պարզաբանում ենք, որ Թբիլիսիի քաղաքապետարանի լիազորությունները չեն տարածվում արդեն բնակեցված շենքերի վրա, քանի որ բնակչության վտարումը չի իրականացվում քաղաքապետարանի կողմից: Մենք ցանկանում ենք կոչ անել տարբեր կազմակերպությունների ներկայացուցիչներին ՝ չմոլորեցնել հասարակությանը և մինչ դրանց տարածումը ստուգել համապատասխան ծառայություններում», – ասված է հայտարարության մեջ: