Առանց Աստծո կամքի ոչինչ չի լինում, սակայն մենք պետք է ավելի շատ հոգ տանենք մարդկանց կյանքը պաշտպանելու մասին. Իլիա Երկրորդ
13:01, 06.04.2018
Համայն Վրաստանի կաթողիկոս-պատրիարք, Սրբազնագույն և Երանաշնորհ Իլիա Երկրոդը Տղիբուլիի ողբերգության հետ կապված տարածել է ցավակցական նամակ:
Ցավակցական նամակը հրապարակվել է Վրաստանի պատրիարքարանի կայքէջում:
«Մեծ ողբերգություն է տեղի ունեցել Տղիբուլիի հանքավայրում, որի հետևանքով զոհվել է վեց մարդ: Իհարկե, առանց Աստծո կամքի ոչինչ չի լինում, սակայն մենք պետք է ավելի շատ հոգ տանենք մարդկանց կյանքը պաշտպանելու մասին:
Մեր պարտքն է ի հիշատակ զոհերի վառել մոմեր և աղոթել նրանց հոգիների համար»,- նշված է նամակում:
