Վրաստանի Առաջին ալիքի՝ «Այս շաբաթ կիրակի» հաղորդման ժամանակ տեղի է ունեցել «Եվրատեսիլ» երգի մրցույթի վրաց մասնակցի երգի համար ստեղծված տեսահոլովակի հեռուստատեսային պրեմիերան։

2022 թվականին Եվրատեսիլ երգի մրցույթին Վրաստանը ներկայացնելու է՝ «Ցիրկուս Միրկուս» խումբը՝ «Lock Me In» երգով։

Այս տարվա Եվրատեսիլյան նախագիծը բուն հայեցակարգի կրողն է, և խմբի անդամների ինքնությունը հանրությանը հայտնի կդառնա փուլ առ փուլ, ինչն այս ծրագրի մի մասն է:

Իր ստեղծման օրվանից խումբը թողարկել է տասը երաժշտական ​​տեսահոլովակ, որտեղ ներկայացված են տարբեր ժանրեր: Խմբի անդամներն ասում են, որ «Ցիրկուս Միրկուսը» շարժում է, որը համախմբում է տարբեր ոլորտների տասնյակ մասնագետների՝ ստեղծելու աննախադեպ տեսալսողական փորձ։

Վրաստանի Առաջին ալիքը հայտերի ներքին ընտրության հիման վրա պարզել է Եվրատեսիլ երգի մրցույթում Վրաստանի ներկայացուցչին։ Որոշումն ընդունվել է Վրաստանի Առաջին ալիքի գեղարվեստական ​​խորհրդի և երաժշտական ​​պրոդյուսերների կողմից։

«Եվրատեսիլ» երգի մրցույթը Եվրոպական հանրային հեռարձակողի երաժշտական ​​փառատոն է, որում տարբեր ընտրանիների միջոցով բացահայտվում կամ անվանվում է երկրի ներկայացուցիչը հանրային հեռարձակողի կողմից։ Այս տարի Վրաստանի հանրային հեռարձակողն ընտրել է այս ճանապարհը։

Անցյալ տարվա մրցույթում Վրաստանը ներկայացնում էր «Վրաստանի աստղ» երաժշտական ​​մրցույթի հաղթողը, որը բացահայտվել էր հանդիսատեսի քվեարկության արդյունքում։

2022 թվականին Իտալիայի Թուրին քաղաքում տեղի կունենա Եվրատեսիլ երգի մրցույթը։ Կիսաեզրափակիչները կանցկացվեն մայիսի 10-ին և 12-ին, իսկ եզրափակիչը՝ մայիսի 14-ին։