Հիվանդությունների վերահսկման ազգային կենտրոնի տնօրեն, Ամիրան Գամղրելիձեն հայտարարում է, որ համավարակի տեսանկյունից վերջին շաբաթվա ընթացքում երկրում իրավիճակը կայուն է, սակայն հետևելի:

Նրա խոսքով, այսօր արձանագրված նոր դեպքերի համեմատաբար ցածր քանակը, թեստավորումների քանակի նվազեցման արդյունքն է, քանի որ հանգստյան օրերին կլինիկաներ դիմելու հաճախականությունը շատ ցածր է:

«Վերջին շաբաթվա ընթացքում համավարակային իրավիճակը որոշակիորեն կայունացել է: Միջինում արվում է 17-19 հազար թեստ և նոր դեպքերի քանակը իջել է 3 հազարի, այսօր այն 1 731 էր, ինչը պայմանավորված է թեստերի թվի կրճատմամբ, որը մենք միշտ ունենում ենք շաբաթ և կիրակի օրերին, քանի որ բուժհաստատություններ դիմելու քանակը պակաս է: Ընդհանուր առմամբ կատարվել է 9 812 թեստ: Չնայած կայունացման տարրերը հայտնվեցին այդ սահմանափակումների և երկարացված թեստավորումների ֆոնին, դա մեզ հանգստնալու առիթ չի տալիս, քանի որ 2-ից 3 հազար նոր դեպքերը դեռ շատ նկատելի են և որևէ թուլացման հիմք չեն տալիս», – հայտարարել է Գամղրելիձեն: