Ալեքսանդրե Ծուլաձեն Վրաստանում Թուրքիայի դեսպանի հետ քննարկել է կրթության և երիտասարդության ոլորտներում համագործակցության խորացման հարցերը
Վրաստանի կրթության, գիտության և երիտասարդության նախարար Ալեքսանդրե Ծուլաձեն հյուրընկալել է Վրաստանում Թուրքիայի դեսպան Ալի Քաան Օրբային։
Ներածական հանդիպմանը կողմերը քննարկել են կրթության և երիտասարդության ոլորտում համագործակցության հարցերը և ապագա ծրագրերը։
Ալեքսանդրե Ծուլաձեն Ալի Քաան Օրբային ներկայացրել է Վրաստանի կրթական համակարգում իրականացվող և նախատեսվող բարեփոխումները։
Զրույցի ընթացքում անդրադարձ է եղել նաև կրթության ոլորտում Վրաստանի և Թուրքիայի միջև կնքված շրջանակային համաձայնագրին, որը վերջնական փուլում է և նախատեսվում է ստորագրել հաջորդ տարի։
Հանդիպմանը նշվել է նաև երկու երկրների համապատասխան նախարարությունների միջև հաջող փոխգործակցությունը երիտասարդության ոլորտում Թուրքիայի և Վրաստանի միջև գործընկերության ամրապնդման նպատակով։
Թուրքիայի դեսպանը շնորհավորել է նախարարին նշանակման կապակցությամբ և պատրաստակամություն հայտնել ամրապնդել գործընկերային հարաբերությունները։
Այս մասին տեղեկություն է հրապարակում կրթության, գիտության և երիտասարդության նախարարությունը։