Урыстәылатәи апранкерцәа иаладырҵәаз авидеонҵамҭаҿы Ҳельсинктәи акомиссиа абжьагаҩ  Пол Массаро иҳәеит Қырҭтәыла Маидан асценари мҩаҧгахар шыҟало, ари азҵааразы активла аус шыруа.

Урыстәылатәи апранкерцәа Ҳельсинктәи акомиссиа абжьагаҩ  Пол  Массаро идҵаалт Украина ахада иадминистрациа ҧасатәи аиҳабы  Константин Елисеев ихьӡала.

Дара Қырҭтәыла аҩныҵҟа иҟоу аҭагылазаашьа иазкны ианиазҵаа, Пол Массаро иҳәеит: «Қырҭтәылаҿ Маидан ҟалар ауеит. Ҳара ари азҵаара аус адааулоит,  уи аҵакы ду амоуп ҳәа ҳгәы иаанагоит. Қырҭтәыла амитингқәа мҩаҧысуеит,  ҳара активла аус аауеит,  ақәҿиара роуеит ҳәа сгәы иаанагоит».

Иара убас,  Пол Массаро ишазгәеиҭаз ала,  Конгресс Қырҭтәыла иадҳәаланы иџьбароу азакәан ҿыц аднакылар ҟалап.

Урыстәылатәи апранкерцәа  Пол Массаро   USAID-и NED-и ирызкны иазҵааит. Иара ишиҳәаз ала, арҭ аиҿкаарақәа аҳәааныцә иаладырҵәоз аидеологиа Америка амилаҭтә интересқәа ирышьашәалам.

«Арҭ агентрақәа Украинеи Қырҭтәылеи апродуктивтә проектқәа мҩаҧыргон. Русура аиҳара изакәынымызт,  уи лабҿаба иубарҭоуп», — иҳәеит  Пол Массаро.