Володимир Зеленскии европатәи апартниорцәеи Вашингтонҟа идәықәлоит Аҩны шкәакәаҿ Дональд Трамп иԥыларц азы.

Аиԥылараҿ зҵаара хаданы иқәгылоит Америкеи Урыстәылеи рхадацәа Алиаска имҩаԥгаз реиԥылареи Владимир Путин идҵаны иқәиргылаз аҳәарақәеи.

ЕАШ ахада Дональд Трамп иҟны аиԥлараан, Урыстәыла ахада Владимир Путин идҵаны иқәиргылеит иашьҭанеиуа аҳәарақәа: Украина НАТО алалара мап ацәнакыроуп, аха Алианс анҭыҵ “ашәарҭадара гарантиақәа” ауиуеит; Ҟрым Урыстәылатәи Афедерациа ахәҭас азханаҵароуп; уажәы Урыстәыла анапаҿы иҟоу   Харьковтәи Сумтәи атәылаҽацәқәа рыхәҭа хәыҷәқа Украина азыхынҳәуеит; Урыстәыла аладахьала (Херсон, Запорожие) иҟоу афронт ацәаҳәа иҵаахоит; Украина Донецктәи Лугансктәи атәылаҽацәқәа рҟынтә ар аднагароуп; Урыстәылатәи Афедерциа аганахьала асанкциақәа рыхәҭа аԥыхтәуп; аурыс бызшәеи Урыстәыла аиашахаҵаратә уахәамеи аофициалтә статус роуроуп.

Володимир Зеленски изы Урыстәыла аҵакырадгьылқәа рыҭара иҟаԥшьу цәаҳәоуп.