«Ҳәарада, адебатқәа аполитикатә ҧсҭазаараҿы аҵакы ду рымоуп. Апропаганда иазкым иарбанзаалак ателеканал гәахәарала адебатқәа мҩаҧнагароуп. Аха,  даҽа лабҿабаракгьы иҟоуп, уи хымҧада иазҧхьагәаҭатәуп», — иҩит Ауаажәларратә дырраҭара Ахылаҧшратә хеилак ахантәаҩы Васил Маҕлаҧериӡе асоциалтә аҳаҿы.

Иара иажәақәа рыла,  Ауаажәларратә дырраҭара ари аганахьала аҧышәа ду амоуп.

«Қырҭтәыла Актәи аканал еснагь адебатқәа рымҩаҧгара иазҿлымҳан,  алхраҧхьатәи аамҭазгьы,  аха,  адебатқәа ишахәҭоу еиҧш изымҩаҧымсит,  избанзар,  ателехәаҧшра аҭахреи аҽазышәареи мацара иазхом.

а) ишаҧу еиҧш,  адебатққәа иалагаанӡа,  аганқәа зегьы адебатқәа ирылахәраны иҟаз ахаҿқәа рылацәажәара иалагон,  аҵыхәтәаны абри апроцесс изакәызаалак алҵшәак ахылҵуамызт.  2024 шықәса ҭагалан,  алхрақәа раҧхьа,  акыраамҭа инагӡоз аиҿцәажәарақәа рышьҭахь,  аоппозициатә ф-партиак адебатқәа рылахәызааразы мап ркит;

б) 2024 шықәса ҧхынҷкәын 4 рзы,  ари аҭагылазаашьа аҽаҧсахит ҳәа ҳгәы иаанагеит: ҩыџьа аоппозициатә лидерцәа — Ҭинаҭин Хидашелии Папуна Џьанелиӡеи рхаҭа аҳәара ҟарҵеит Қырҭтәыла аҧыза-министри апарламент ахантәаҩи рҟны адебатқәа рымҩаҧгаразы,  анапхгаратә гәыҧ алидерцәагьы ари аҳәара рыдыркылеит. Абарҭ адебатқәа рышьҭахь аполитикатә гәыҧқәа рыбжьара аиҿцәажәара иалагоит ҳәа ҳгәыҕуан.

Ауаажәларратә интерес иазҧхьагәаҭаны,  Актәи аканал,  зыҧшра ҟамҵакәа,  аӡбара аднакылеит ҧхынҷкәын 4 асааҭ  22:00 рзы адебатқәа рымҩаҧгаразы, аха,  убри аҽныҵәҟьа аоппозициатә лидерцәа рыӡбара рыҧсахын,  адебатқәа рҽалархәразы мап ркит.

 2025 шықәса ажьырныҳәазы адебатқәа рымҩаҧгара даҽа ҽазышәарак иҟан  —  аха,  уажәазы,  аоппозициатә партиақәа рыбжьара. Дара рхаҭа адетальқәа зегьы рзы еиқәшаҳаҭхеит. Ателехәаҧшра рыҳәарақәа зегьы нанагӡеит,  аха,  уезгьы,  аҵыхәтәантәи аминуҭ аҟынӡа цқьа иҳаздырӡомызт адебатқәа мҩаҧысуоу имҩаҧымсуоу.

Ишыҟазаалакгьы,  ишеицәҳауаз,  ишыҳәҳәоз,  ахәаҧшцәа акгьы рзеилымкаазаргьы,    усҟан адебатқәа мҩаҧысит.  Ари адырраҭара алҵшәа заҵәык ахылҵит,  убри ашьҭахь аганқәа зегьы,  адебатқәа рылахәызааразы иааҧҵәаны мап ркуан.

Абри аҧышәа цәгьа хымҧада иазҧхьагәаҭатәуп.

Ауаажәларратә дырраҭара, ишаҧу еиҧш, адебатқәа ралагара иазыхиоуп, ари апроцесс ибзианы имҩаҧысырц азыҳәан иаҭаху зегьы ҟанаҵоит», — иҩит  Васил Маҕлаҧериӡе.