2003-2012 шықәсқәа рзы иҟаз арежими, ари арежим аполитикатә амаҵзураҭыҧқәа аанызкылоз ахаҿқәеи, аполитикатә партиақәа ирылоу ҧасатәи уажәтәи амаҵзурауааи  2003 шықәса инаркны иахьанӡа роуранагӡара ҭызҵаауа Қырҭтәыла апарламент аамҭалатәи аусеилыргаратә комиссиа ахантәаҩы Ҭеа Ҵулукиани акомиссиа аҳасабырба дахцәажәеит.

“Ахҳәаа ҟасҵарц сҭахуп. Жабранл 5 инаркны иахьанӡа 46 аиԥыларақәа мҩаԥаагеит, 139-ҩык ауаа ҳрацәажәеит, урҭ рҟынтә ԥшьҩык ҩынтә раан. Знык Хони ақалақь аҿы еизарак мҩаԥаҳгеит, уаҟа ԥасатәиашьауӷатә усбарҭа N13 ҳаҭааит. Аҳасабырба аус адулараан иазыԥхьагәаҭан ауаа (775-ҩык) рҳәамҭақәеи рыхҳәаақәеи. Адокумент 400 даҟьа рыла шьақәгылоуп, еиҳа ииашаны иуҳәозар 430. Ари ахыԥхьаӡара иаҵанакуам жәаба рыла адаҟьақәа зго ацҵақәа», – ҳәа илҳәеит Ҭеа Ҵулукиани.

Ҭеа Ҵулукиани лажәақәа рыла, акомиссиа аҳасабырба аҿы иарбоуп “Амилаҭтә ҵысреи” Саакашвилии, урҭ ирымадоу ахаҿқәеи иҟарҵаз ацәгьоуратә фактқәа зегьы, ари адокумент ахадарас абри ауп иамоу.