Аҳәынҭқарратә шәарҭада амаҵзура анапхгаҩы ҧасатәи ихаҭыԥуаҩ Сосо Гогашвили аҭакра иқәырҵеит.

Аӡбаҩ апрокурор иажәалагала дақәшаҳаҭхеит, ахара зду ахаҿы заанаҵтәи аҭакра иқәҵан.

Аӡбарҭа аилатәара ашәқәа ркны мҩаԥысит.

Иашьҭанеиуа аилатәара цәыббра 8, асааҭ 12:00 рзы мҩаԥгахоит.

Аҳәынҭқарратә шәарҭада амаҵзура анапхгаҩы ҧасатәи ихаҭыԥуаҩ Сосо Гогашвили ахара идырҵеит Қырҭтәыла Аҳәынҭқарратә шәарҭадара амаҵзура анапхагаҩы ихаҭыҧуаҩс иусура иадҳәалоу 3 пункт рыла. Дара ражәақәа рыла, актәи апункт ҩыџьа ахаҿқәа рхатә дыррақәа закәандарала раиуреи, рыҵәахреи, раларҵәареи иазкуп. Аҩбатәи аепизод  Аҳәынҭқарратә шәарҭадара амаҵзура аҟынтә аҳәынҭқарратә амаӡа злоу адыррақәа рҭыгара иадҳәалоуп. Ахҧатәи  — 5 цырак амцабџьар закәандарала аахәареи, аҵәахреи, аныҟәгареи иадҳәалоуп.