Қырҭтәыла аҩныҵҟатәи аусқәа рминистр  Гела Гелаӡе аофициалтә визитла Қырҭтәыла иаҭааиз Шәамахьтәыла аҩныҵҟатәи аусқәа рминистр  Арпине Саргсиан дылҧылоит. Ари атәы аарыцҳаит Қырҭтәыла Аҩныҵҟатәи аусқәа рминистрра аҟынтәи.

Аминистрра аинформациа инақәыршәаны, 2 тәылак рҩныҵҟатәи аусқәа рминистрцәа амаҵзуратә ҧхықәрақәа рынагӡараан иҭахаз аполицаицәа рмемориал аҧхьа ашәҭқәа шьҭарҵеит.

Аофициалтә визит аҳәаақәа ирҭагӡаны,  Арпине Саргиан Қырҭтәыла аҧыза-министр  Иракли  Кобахиӡегьы диҧылоит.

Иара убас, аминистрцәа, «Аҵакырадгьылаҿ закәандарала инхо ауаа рреадмиссиа» иазку аиқәшаҳаҭра рыбжьарҵоит.

Ҩымштәи авизит аҳәаақәа ирҭагӡаны, Шәамахьтәыла аҩныҵҟатәи аусқәа рминистр, Ауаажәларратә шәарҭадара ахылаҧшра ацентр 112-и, Аҩныҵҟатәи аусқәа рминистрра академиеи, Апатрультә полициа адепартамети дырҭаауеит.