Имҩаԥысуа аиҭашьақәыргылара апроцесс ҳара ҳзы ҷыдала аҵак ду амоуп, избан акәзар Америкатәи Аҳәынҭқаррақәа рнаԥхгара ҿыц Америкатәи Аидгылақәеи Қырҭтәылеи реизыҟазаашьақәа рганахьала ҩ-терминк ахархәоит – асуверенитети амилаҭтә интересқәеи. Абарҭ аҩ-принципк роуп Байден иадминистрациа мап ацәызкыз – егьырҭ атәылақәа рсуверенитети рмилаҭтә интересқәеи, – ҳәа ажурналистцәа иреиҳәеит Қырҭтәыла Апарламент ахантәаҩы Шалва Папуашвили.

Папуашвили иажәақәа рыла, аҩганкгьы еицҿакны ирыдыркылоит астратегиатә еиҩызара ҿыц иреалтәу агенда шьаҭас иамазарц, насгьы ақырҭуа жәлари америкатәи ажәлари рзы иубарҭоу алҵшәақәа раиуразы ахшыҩзышьҭра аҭатәуп ҳәа.

“Ус анакәха, ҳара ҳзы зегь реиҳа ихадоу Америка адәныҟатәи аполитикаҿы шьаҭанкылатәи аԥсахра ауп, уи иалҵшәаны, ҳара агәыӷра ҳамоуп, стратегиатә еиҩызара ҿыц аԥҵара алыршахоит ҳәа. ҳара ҳганахьала, аха американцәа рганахьалагьы, уи иҭацәу, ҵакы змам документуп, хадаратә ҵакы змам арзаҳал ауп ҳәа.

Сгәанала, аҩганкгьы еицҿакуп астратегиатә еиҩызара ҿыц ииашоу агенда шьаҭас иамазар шахәҭоу, насгьы ақырҭуа жәлари америкатәи ажәлари рзы иубарҭоу алҵшәақәа раарԥшра иазырхазар шахәҭоу. Убри аҟнытә, сара сгәанала, ҳаргьы Америкатәи Аҳәынҭқарра анаԥхгарагьы ҳзеиԥшу ахәаԥшышьа ҳамоуп», – иҳәеит Папуашвили.