Қырҭтәыла апарламент ахантәаҩы Шьалуа Папуашвили иажәақәа рыла, Апарламентбжьаратә аидгыла 150-тәи ассамблеиа аҳәаақәа ирҭагӡаны европатәи иколлегацәа дырԥыланы, арегион аҟны ашәарҭадара аганахьала иҟоу ааԥхьарақәа ирыхцәажәоит.

«Хымԥада, арегион аҟны ашәарҭадара аганахьала иҟоу ааԥхьарақәа – ҭынчратә хықәкқәа ҳрыхцәажәоит, ари Украина ицо аибашьра ахыркәшаразы ихадароуп. Иара убас иахьа иҳамоу ауадаҩрақәа ҳарзааҭгылоит», — иҳәеитПапуашвили.

Қырҭтәыла апарламент ахантәаҩы Шьалуа Папуашвили мшаԥы 5-8 рзы Узбекистан аҳҭнықалақь Ташкент имҩаԥысуа Апарламентбжьаратә аидгыла (IPU) 150-тәи ассамблеиа аусура ихы алаирхәоит. Авизит аҳәаақәа ирҭагӡаны Папуашвили ассамблеиа асессиаҿ дықәгылоит, иара убас иколлегацәа рҟны ҩганкалатәи аиԥыларақәа мҩаԥигоит. Шьалуа Папуашвили дызхагылоу ақырҭуа делегациа иалоуп: апарламент адәныҟатәи еимадарақәа ркомитет ахантәаҩы Николоз Самхараӡеи аԥсабарахьчареи аԥсабаратә ресурсқәеи рзы акомитет ахантәаҩы Маиа Биҭаӡеи.