Они ахада  Серго Хидешели иҳәамҭала, Раҷа аҧсабаратә рыцҳара ахьыҟалаз аҭыҧаҿ аҧшааратә усурақәа активла имҩаҧысуеит.  Иара иажәақәа рыла, иашьашәалоу амаҵзура локациақәак рҿы аусурақәа рырҭбааразы аӡбара аднакылоит.

«Аҧсабаратә рыцҳара ахьыҟалаз аҭыҧаҿгьы аӡиасқәа Чанчахии Рионии рӡышьҭрақәеи рҿгьы аҧшааратә усурақәа активла имҩаҧысуеит. Уажәазы иҟоу аинформациа инақәыршәаны, 31ҩык рыҧсыбаҩқәа рбахьеит, урҭ рҟынтә  29ҩык рыхьӡқәа еилкаауп, ҩыџьа рыҧсыбаҩқәа рзы аекспертиза мҩаҧысуеит.

Даҽа ҩыџьа рыҧшаара иаҿуп. Ҳара иҳамоу аинформациала, изышьҭоу ҩыџьа рықәра наӡам. Аҧшааратә усурақәа рхыркәшара, алокациақәа рырҭбаара уҳәа, абарҭ азҵаарақәа рзы аӡбара аднакылоит Аҧшааратә маҵзура. Егьа имаҷзаргьы, шанск ахьынӡаҟоу, аҧшааратә усурақәа нагӡахоит», — иҳәеит Серго Хидешели.

Иара убас,  Серго Хидешели ишиҳәаз ала, амуниципалтә аҩаӡараҟны еиҿкаауп азарал ахәшьара азҭо акомиссиа, аха, аҧшааратә усурақәа ирҧырхагамхарц азыҳәан, ари акомиссиа макьана аусура изалагом.