«Арежим аҭархареи, алхрақәа ҿыцны рымҩаԥгареи ауп хықәкыс иҳамоу, ари имариам мҩоуп, аха ҳполитикатә гәаанагарала ҳхықәкы нагӡахар азы – ари мҩа заҵәык ауп», – илҳәеит Қырҭтәыла ԥасатәи ахада Саломе Зурабишвили.

Зурабишвили лажәақәа рыла, атәым партниорцәа иҟарҵо аҳәамҭақәа рыла иубарҭоуп, аоппозициаа ркоординациа алҵшәа шамоу.

«Иахьа ҩтемак ҳрылацәажәеит. Актәи – абаандаҩцәа рҭаацәарақәа рыԥшьгара ҿыц, урҭ ркоординациа. Ари аформат ишьаҭаркхьеит. Аҿагыларатә платформа адгылара азаасрԥшыр сҭахуп. Ари акоординациа хықәксы амоуп: зхы иақәиҭу алхрақәа рымҩаԥгареи аполитбаандаҩцәа рхақәиҭтәреи.

Атәым партниорцәа иҟарҵо аҳәамҭақәа рыла иубарҭоуп, аоппозициаа ркоординациа алҵшәа шамоу – Каиа Калласи Марта Коси рҳәамҭақәа, Анаклиатәи абаӷәаза иазкны Хельсинктәи акомиссиа иҟнааҵаз аҳәамҭа, ЕАШ аҳәынҭқарратә департамент аҳәамҭа.

Иара убас Британиа Ду асанкциақәа ирызкны аднакылаз аӡбамҭеи OSCE алхрақәа ирызкны иҟанаҵаз аҳәамҭеи. Арҭ ахә-ҳәамҭак арежим ааха ду азааргеит.

Арҭ аҳәамҭақәа аиааирахь иҟаҵоу шьаҿоуп.

Арежим аҭархареи, алхрақәа ҿыцны рымҩаԥгареи ауп хықәкыс иҳамоу, ари имариам мҩоуп, аха ҳполитикатә гәаанагарала ҳхықәкы нагӡахар азы – ари мҩа заҵәык ауп», – илҳәеит Зурабишвили.