Реваз Сохаӡеи Азиатәи аҿиара абанк ахаҭарнакцәеи Қырҭтәыла аҟәара иаҧну араионқәа рҿиара апроектқәа  рбеит

Қырҭтәыла аинфраструктура аминистр Реваз Сохаӡеи, аминистр ихаҭыҧуаҩ Мзиа Гиоргобиании, Азиатәи аҿиара абанк  (ADB) ахаҭарнакцәа — Леа  Гутиерреси абанк Қырҭтәылатәи аҟәша адиректор  Лесли Берман Ламми аҟәара иаҧну араионқәа – Ганмухурии Малҭаҟвеи, иара убас, аӡиа Малҭаҟва иаҧну аҵакырадгьыли рҭагылазаашьа гәарҭеит.

Авизит аҳәаақәа ирҭагӡаны, наҟ-наҟ аусеицура анагӡара амзызла, аинфраструктура аминистр Азиатәи аҿиара абанк ахаҭарнакцәа ирызцәыригеит аҟәара иаҧну араионқәа, Малҭаҟвеи, Анаклиеи, Ганмухурии рҿиара апроект, уи ала иазҧхьагәаҭоуп аҟәаратә инфраструктура арҽеиреи арегион атуристтә потенциал арҕәҕәареи.

Аминистри Азиатәи аҿиара абанк ахаҭарнакцәеи ирыцын Қырҭтәыла Амуниципалтә аҿиара афонд анагӡаратә директор  Беқа Урушаӡеи, апарламент алахәыла Гьаргь Хубутиеи, Ҧуҭ амуниципалитет ахада  Беқа Ваҷараӡеи.

Азиатәи аҿиара абанк адиректор ҿыц Қырҭтәыла даҭааит ардырратә визитла. Авизит аҳәаақәа ирҭагӡаны, абанк ахаҭарнакцәа, Азиатәи аҿиара абанк ацхыраарала Ҧуҭи, Жәыргьыҭи, Қәҭешьи, Ҵҟалтубои  инагӡоу, зынагӡара иаҿу, иара убас, апланла иазҧхьагәаҭоу аинфраструктратә проектқәа рбеит.

Ари аинформациа аланарҵәеит Қырҭтәыла Аинфраструктура аминистрра.