Қырҭтәылеи Венгриеи рыбжьара аекономикатә усеицуразы аиҳабырабжьаратә комиссиа афбатәи аилатәара мҩаҧган. Аилатәара еицымҩаҧыргеит Қырҭтәыла  аекономикеи иҭышәынәталоу аҿиареи рзы аминистр ихаҭыҧуаҩ Геннади Арвелаӡеи Венгриа атәылахьчара аминистр, аҳәынҭқарратә маӡаныҟәгаҩ Тамаш Варгеи.

Аганқәа рхаҭарнакцәа  абарҭ аусхкқәа рҿы Қырҭтәылеи Венгриеи русеицура арҭбаара иалацәажәеит: ахәаахәҭреи аинвестициақәеи, атуризм, ақыҭанхамҩа, аҧсабарахьчареи аенергетикеи, атранспорт, акоммуникациақәеи аинновациақәеи, аҵарадырра, акультура, убас егьырҭгьы. Иара убас, аганқәа ишеиқәшаҳаҭхаз ала,  апотенциалтә инвесторцәа раарҧшразы, венгриатәи аган ирырҭоит Қырҭтәыла аинвестициатә проектқәа рсиа.

Аиҧылараҿы ишазгәаҭаз ала, атәылақәа рыбжьара ахәаахәҭра адинамика азҳара иаҿуп.  2025 шықәса актәи акварталаз Қырҭтәылеи Венгриеи рыбжьара атауареикәшара азҳаит  47 наӡынала.

Аиҧылараҿы иаҵшьны иазгәаҭан Қырҭтәылеи Венгриеи рыбжьара аҩбатәи аиҳабырабжьаратә саммит амҩаҧгара аҵакы. Ари асаммит Будапешт имҩаҧысуеит ҳаҧхьаҟа, рашәара  11-12 рзы.