Қырҭтәыла Иқәыҧшу аиуристцәа рассоциациа аҳәамҭа ишану ала,  Страсбургтәи аӡбара  «Атәым агентцәа ррегистрациа  акт» (FARA) иадҳәалоу аус ахәаҧшра иалагеит.

Ассоциациа ахантәаҩы Ҭамар Ониани иахьатәи апресс-конференциаҿы ишылҳәаз ала, Иқәыҧшу аиуристцәа рассоциациа Страсбургтәи аӡбараҿы ари азакәан иазашшит  2025 шықәсазы.

«Ишыжәдыруа еиҧш, ҵыҧх, 2025 шықәса мшаҧы 1 азы,  «Ақырҭуа гәахәтәы», «Атәым агентцәа ррегистрациа акт» (FARA) аднакылеит, ари акт  Қырҭтәыла Аконституциа еиланагоит, ихьыҧшым атәылауаҩратә уаажәларреи АИХқәеи рықәыҕәҕәара иазкуп, ашьауҕатә ҭакҧхықәра алагьы.

2026 шықәса хәажәкыра 31 рзы Европатәи аӡбара аҟынтә иҳауз адырра инықәыршәаны, аӡбара ари азакәан иадҳәалоу аус ахәаҧшра иалагеит.

Апартиа  «Ақырҭуа гәахәтәы» рҳәамҭала,, ари азакәан америкатә  FARA (Foreign Agents Registration Act) еиҧшуп, аха, иҵабыргны иуҳәозар, америкатә  FARA — ихьыҧшым ауаажәларратәи амедиатәи аиҿкаарақәа рықәыҕәҕәара акәымкәа, аҕаратә атәым ҳәынҭқаррақәа рагентцәа русура аарҧшра иазкуп. Ақырҭуа жәлар цқьа еилыркаароуп – даҽа ҳәынҭқаррак азакәан атекст ахархәара иаанагом ари азакәан убасҵәҟаьа аус ауеит ҳәа. Азинтә нормак, еиуеиҧшым аҳәынҭқаррақәеи еиуеиҧшым аҭагылазаашьақәеи рҿы зынӡаскгьы даҽа алҵшәак ахылҵыр ауеит», — илҳеит Ҭамар Ониани.

Лара лажәақәа рыла, ашшыҧхьыӡ аҿы иаҵшьны иазгәаҭоуп  «Ақырҭуа гәахәтәы» ирыдыркылаз азакәан Ауаҩытәыҩса изинқәа рзы Европатәи Аконвенциаҿы иарбоу азинқәа шеиланаго.

Иара убас, лара ишазгәалҭаз ала, аҳәынҭқарра, ахатә позициа аарҧшразы,  2026 шықәса ҧхынгәы аҟынӡа аҿҳәара амоуп.