Цәыббра 19 рзы  Қырҭтәыла Атәылахьчаратә мчқәа Арратә авиациа амш азгәарҭоит. Атәылахьчара аминистри Атәылахьчаратә мчқәа рнапхгаҩи хазхҭалатәи аилазаара рзанааҭтә амш рыдырныҳәалеит.

Аныҳәатә уснагӡатә мҩаҧган Алексеевка иҟоу арратә аеродромаҿ. Ақырҭуа авиациа ашьаҭаркра инаркны  30 шықәса аҵра инамааданы имҩаҧгаз ауснагӡатә иалагаанӡа, ауснагӡатә алахәылацәа Қырҭтәыла аҵакырадгьылтә акзаара зхы ақәызҵаз афырхацәа рмемориалаҿ ашәҭқәа шьҭарҵеит, анеҩс, минуҭтәи аҿымҭрала, аибашьреи жәларбжьаратәи амиссиақәеи рҿы иҭахаз аруаа ҳаҭырла иргәаладыршәеит.

Ауснагӡатә ашьҭахь, Алексеевка арратә аеродромаҿ еиҿкаан Қырҭтәыла Атәылахьчаратә мчқәа авиапарк ҿыц ацәыргақәҵа.

Қырҭтәыла Арратә авиациа амш азгәарҭоит  1992 шықәса инаркны.

Ақырҭуа арратә авиациа аҭоурых иалагоит 1918 шықәса нанҳәа 20 инаркны, усҟан, Қырҭтәыла апарламент аӡбарала, иаҧҵан раҧхьатәи ақырҭуа арратә авиациатә арҟәыҵәа.