Қырҭтәыла арегионалтә аҿиара аминистрс дҟаҵоуп  Кахабер Гуледани.

Ари аҳәамҭа ҟаиҵеит Қырҭтәыла аҧыза-министр Иракли Кобахиӡе.

Уаанӡа, арегионалтә аҿиара аминистр иҭыҧаз Григол Лилуашвили икандидатура иқәдыргылеит.

«Мышқәак раҧхьа, апарламенттә аиҳареи ҳареи ҳаилацәажәан, Қырҭтәыла Арегионалтә аҿиара аминистрра аҧҵара ҳаӡбеит. Усҟан  ари аҭыҧаз Григол Лилуашвили икандидатура иқәҳаргылеит. Аҵыхтәантәи амшқәа рзы Лилуашвили ҳиацәажәан, иара аминистрра аусура апринципқәа ирызкны даҽа гәаанагарақәак шимоу еилаҳкааит. Убри аҟынтә, Григол Лилуашвили ари аҭыҧ ааникылом ҳәа ҳаӡбеит.

Арегионалтә аҿиара аминистрра дахагылоит  Кахабер Гуледани.  Иара арегионалтә зҵаарақәа рзы аусура аҧышәа ду имоуп. Иахьанӡа Гуледани Қарҭ ахада ихаҭыҧуаҩс дыҟан. Амаҵзураҭыҧ ҿыц аҿы ақәҿиарақәа изеиҕьасшьоит», — иҳәеит  Кобахиӡе.