Адунеитә абанкбжьаратә афинанстә телекоммуникациақәа руаажәларра  (SWIFT) аҟынтә ақырҭуа афинанстә система аҿыхразы ашьаҭа иҟам. Ари атәы аанацҳаит Қырҭтәыла Амилаҭтә банк.

Амилаҭтә банк аинформациаҿы ишазгәаҭоу ала, Қырҭтәыла абанк-финанстә сектор ақырҭуа азакәанҧҵареи,  иара убас,  жәларбжьаратәи асанкциақәа ррежими ирықәныҟәоит.

„Қырҭтәыла Амилаҭтә банк,  аҭыҧаҿгьы,  иара убас,  анахарала ахылаҧшра аҳәаақәа ирҭагӡаны,  еиҧҟьарада,  ахылаҧшратә процесс мҩаҧнагоит. Қырҭтәыла абанк-финанстә сектор асанкциақәа ррежим иашьашәаланы аус ишауа иазгәарҭоит аҳәаанырцәтәи апартниорцәагьы. Абри зегьы шьақәырҕәҕәоуп Европа Ахеилак аекспертцәа ркомитет  (MONEYVAL) ахәшьараҭара алагьы. Ҳсистема ҷыдала иаартуп,  убри аҟынтә,  аинвесторцәа ҳсистема иаҳа-иаҳа агәра ргоит. Абри зегьы иазҧхьагәаҭаны,  иаҵшьны иазгәаҳҭар ҳҭахуп Адунеи абанкбжьаратә афинанстә телекоммуникациақәа руаажәларра  (SWIFT) аҟынтә ақырҭуа афинанстә система аҿыхразы ашьаҭа шыҟам“, – ирҳәеит Қырҭтәыла Амилаҭтә банк аҿы.