Қырҭтәыла аиҳабыра Еврокомиссиа азҵаабҕьыц цәырыргеит
Қырҭтәыла аиҳабыра Еврокомиссиа азҵаабҕьыц цәырыргеит

Қырҭтәыла аиҳабыра, Евроеидгыла алалара амзызла Қырҭтәыла иҟанаҵаз азыҳәамҭа иадҳәаланы аихшьаала аҟаҵаразы атәыла иарҭаз  Еврокомиссиа азҵаабҕьыц цәырыргеит.

Ари аӡбара рыдыркылеит Евроеидгылашҟа Қырҭтәыла  алалара азҵаарақәа рзы аиҳабыратә комиссиа аилатәараҿы. Аҧыза-министр Иракли Ҕарибашвили анапхгара ззиуз аилатәара иахьа имҩаҧган.

Азҵаабҕьыц ҷыда актәи ахәҭа Қырҭтәыла иарҭеит мшаҧы 11 рзы, Лиуксембург. Азҵаабҕьыц ашьаҭала, Еврокомиссиа, ахәшьараҭаратә аихшьаала армазеиуеит атәыла акандидат астатус анашьара иазкны.

Анкетаҿ иарбазаауеит аполитикатәи аекономикатәи ахәҭақәа, иара убас, хара имгакәа, Қырҭтәыла аиуеит азҵаабҕьыц аҩбатәи ахәҭа, уи аусхкытә темақәеи асекторқәа инрықәыршәаны Евроеидгыла азакәанҧҵара ашьашәалазаареи иазкуп.