«Аҭагылазаашьа лабҿаба иубарҭоуп: Қырҭтәыла Евроеидгыла арҕәҕәоит, Қырҭтәылаҟны аиҿцәажәарақәа Украинаҟны аиҿцәажәарақәа раасҭа  иаҳа хырҳагара рхылҵуеит», — иҳәеит Венгриа адәныҟатәи аусқәа рминистр  Петер Сииарто Қырҭтәыла адәныҟатәи аусқәа рминистр Мака Боҷоришвилии иареи еицымҩаҧыргаз апресс-конференциаҿы.

Сииарто аусеицуразы Қырҭтәыла даҭабууп.

«Евроеидгыла Қырҭтәыла иацәыхаразароуп ҳәа ргәы иаанагоит, араҟа агха ду ҟарҵоит. Қырҭтәыла Еврвоеидгыла арҕәҕәоит. Қырҭтәылаҟны аиҿцәажәарақәа Украинаҟны аиҿцәажәарақәа раасҭа  иаҳа хырҳагара рхылҵуеит, избанзар, Украина Евроеидгыла арҧсыҽуеит.

Ҳара еснагь Қырҭтәыла аус ацура  алшара ҳамоуп, уи азы ҭабуп ҳәа шәаҳҳәоит. Агәра шәсыргар сҭахуп Венгриа ихьыҧшым аиҳабыра иҟанаҵы, ҳара еснагь, патуеиқәҵарала аус шеицаауа», — иҳәеит  Петер Сииарто.